Pabling gihaylo sa mga higala pagkandidato

Ang nakapaaghat gyud kang kanhi Gobernador Pablo Garcia paglansar sa pagka kongresista sa ikaduhang distrito sa Sugbo mao ang mga amigo niyang mga Kongresista ug Senador kinsa nagpatabang kaniya sa ilang mga gimbuhaton sa pamalaod sa nasud.

Si Garcia nga matawag nga "father of modern legislators" miingon nga daghan pang nagkinahanglan sa iyang katakos ug abilidad kay kasagaran karon sa mga batan-on nga magbabalaod kuwang pa kaayo sa kasinatian sa mga pamalaod.

Nahinumdoman ni Garcia nga ang iyang mga sugyot bahin sa people's initiative nga dili gayud mosalir, natuman gyud tungod kay nasayod siyang daan nga ilegal gyud kadto.

Ang gisugyot niya bahin sa charter change nga ipaagi sa constitutional convention gituman usab sa mga magbabalaod tungod kay mao kini ang hustong paagi.

Si Garcia nahimong kongresista gikan sa 1987-1996.