Amahan natulog gipusil samtang tupad sa anak

Usa ka lalaki nga natulog uban sa 3 anyos nga anak nga babaye gipusil-patay sa miaging gabii sa wala pa mailhing mamumuno pinaagi sa pagpalusot sa sumbohan sa armas sa bungbong nga amakan.

Ang biktima giila ni SPO1 Bernabe Ulan-Ulan nga mao si Nilo Mantos, 28, ulitawo.

Matud pa ni SPO1 Ulan-Ulan nga ang biktima nga nakabaton og samad pinusilan sa iyang dughan dali untang gidala sa Toledo District Hospital apan gideklarar sa mga doktor nga patay na kining nahidangat sa maong tambalanan.

Dugang pa niya nga ang anak sa biktima nga gikadulog niini sa paghigda naligo sa mibanaw nga dugo ug dali kining gikuha sa inahan kinsa suwerte usab nga wala maigo sa maong pagpamusil.

Si SPO1 Ulan-Ulan miingon nga ang mga silingan sa biktima himoan pa nila og pakisusi sa pamasin nga may nakakita sa maong insidente.