Magsuon gipamusil sa 'Lapu

Managsoon nga lalaki gikan sa disco kuyog sa ilang mga higala gipamusil sa wala hiilhing armadong mga tawo sa isla de Palma, Looc, dakbayan sa Mandaue sa miaging kaadlawon.

Ang mga biktima mao sila si Millando Lawan, 27 ug maguwang niining si Christopher Lawan, 29 anyos, pulos ulitawo nga lumad nga taga Madridejos, Cebu ug nagpuyo da maong dapit.

Sa nasayran kang Inspector Leoncio Baliguat Jr., hepe sa presinto 5 sa Opao Police Station, matud pa, gikan sa usa ka diskohan sa dalan A.S. Fortuna sa Bakilid sa maong dakbayan ang mga biktima kuyog sa duha pa nila ka higala.

Dugang pa niya ang duha nanakay og taxi nga may plate number nga LVN 206 nga gimaneho ni Richard Cha padulong sa Looc apan kalit silang gipusil sa tulo ka tawo.

Ang duha nga nakabaton og mga samad pinusilan sa ilang kalawasan gidala sa Mandaue District Hospital padayon kining giatiman sa mga doktor sa maong tambalanan. Wala pa matino kung unsay hinungdan sa pagpusil kanila.