Ermita pun-an og firetruck

Kabomberohan sa barangay Ermita madugangan na og usa ka firetruck human nga ang maong lugar gideklarar nga usa sa unom ka barangay nga "fire-prone area".

Ang Police Coordinating and Advisory Council mipadangat usab og rekomendasyon ngadto ni Bise Mayor Michael Rama sa pagpabutang og mga firetruck sa mga "fire- prone area".

Si Felicimo Rupinta, barangay kapitan sa Ermita mihangop sa maong rekomendasyon og giangkon usab sa kapitan nga usa ka fire hazard ang iyang lugar.

Matud sa kapitan nga iyang paaboton ang pagpatawag ni Rama kaniya kung ugaling makig-estorya kini kabahin sa pamaagi sa pagsumpo sa aksidente sama sa sunog.

Si Rama mihangop sa rekomendasyon sa Police Coordinating and Advisory Council sa pagpabutang og standby nga firetrucks diha sa mga lugar dinhi sa dakbayan nga gikonsidera nga fire zone.