200 porsiyento dugang sa suweldo sa holiday

Makadawat og 200 porsiyento nga dugang suweldo ang mga regular nga trabahante kun motambong niini sa iyang trabaho atol niadtong regular nga mga holiday.

Kini ang gipadayag ni Department of Labor and Employment (DOLE) Secretary Arturo Brion dili pa lamang dugay.

Matud pa niya nga ang mga regular nga holiday alang sa mga trabahante mao ang milabay nga Disyembre 25, Rizal Day sa Disyembre 30 ug Bag-ong Tuig sa Enero 1 sa sunod tuig.

Dugang pa niya, nga sa mga special non-working holiday nga naglakip sa Disyembre 26 ug 31, madawat sa mga regular nga trabahante ang 30 porsiyento nga patong sa matag adlaw nilang suweldo.

Giklaro ni Brion nga sa mga regular nga holiday, ang mga trabahante nga dili motambong sa ilang trabaho makadawat sa usa ka adlaw nilang suweldo ug 30 porsiyento nga patong sa matag oras sa overtime nga pagtrabaho niini.

Sa mga adlaw nga regular holiday nga day-off ang usa ka trabahante nga motambong sa ilang trabaho makadawat usab kini og dugang patong sa suweldo nga 50 porsiyento.