Giila ni SPO1 Edgardo Pasaylo sa Presinto 3 sa Basak Police Station ang biktima nga mao si Robelito Boc, 28, ulitawo nga taga Ubay, Bohol.
Ang suspetsado mao si Jolito Maramara, 37, minyo nga lumad nga taga Asinda Maria sa Northern, Leyte ug nagtrabaho sa Arsul Woodcraft Furniture nga nahimutang sa Arsul Compound.
Matud pa ni SPO1 Pasaylo nga nag-inom si Boc ug si Maramara hangtud nga dihang nangahubog na, kalit lang mitumaw ang mainitong panaglalis hangtod nga nakakuha kinig sundang ug nanigbas sa biktima.
Sa ilang imbestigasyon nga gihimo maoy ilang nahibaw-an nga ang duha may panagbangi na nga nahitabo sa nangagi'ng mga adlaw ug nanigbas.
Dugang pa niya nga dihang ilang gihimo ang hot pursuit operation, ilang nadakpan nga diha sa ilang panimalay ug padulong na unta sa pagsibat.