OFWs namauli alang sa Pasko uban sa kabanay

Gatosan ka mga Overseas Filipino Workers ang nanguli dinhi sa dakbayan sa Sugbo aron dinhi iselebrar ang pasko kauban sa ilang pamilya.

Ang Overseas Workers Welfare Administration ug ang Philippine Overseas Employment Administration nagkahiusa sa pagsugat sa mga OFW's nga nangabot agi diha sa Mactan International Airport diha sa dakbayan sa Lapu-Lapu.

Pinaagi sa paghatag og chocolate, lace ug appliances ngadto sa mga OFW's nga miabot ilang gipakita ang ilang pasalamat ngadto kanila tungod kay dako kini ug ikatabang ang mga OFW's sa atong ekonomiya.

Gikan sa Hongkong, Singapore ug Qatar ang mga OFW's nga miabot dinhi sa dakbayan sa Sugbo ug gibana-bana nga mosaka pa ang porsyinto niini nga gustong mopauli dinhi sa Pilipinas aron dinhi iselebrar ang ilang pasko.

Matud pa sa OWWA ug POEA nga nalipay sila tungod kay midako ang remmittance niini nga gi-remit sa mga OFW's busa pinaagi sa pagsugat niini ug paghatag ug pahalipay bisan pa man ug gamay lang sinyalis kini sa ilang dakong pasalamat

Sa laing bahin, ang dakbayan ug lalawigan sa Sugbo mao nay gustong destinasyon sa mga German Nationals tungod sa kaanindot sa mga dagat ug kalimpyo niini.

Matud pa nga migawas sa usa ka mantalaan didto sa nasud sa Germany ang mahitungod sa kaanindot sa Pilipinas ilabi na ang dakbayan ug lalawigan sa Sugbo.

Ug ubay-ubay na usab ang miabot aron dinhi mo bakasyon kuyog sa ilang pamilya bisan pa man ug nising-abot ang adlaw sa Pasko.