Matud pa ni Lt. Col. Jefferson Omandam nga ila nang gilaksi sa ilang hunahuna ang ilang pagka "non-partisan" ug gihaling nila ang kainit sa ilang katungod sa pagboto isip mga Pilipino.
Kasagaran sa mga 300 kapin nga mga sundalo sa Central Command nga naglakip sa ilang mga pamilya nga miparehistro kagahapon, nagpuyo diha sa barangay Apas.
Ang maong mga sundalo wa mamotar sa daghan nang mga election nga nanglabay kay gihunahuna nila nga dili kini mahinungdanon sa ilang kinabuhi.
Apan gitataw ni Omandam nga walay mga opisyal nilang nagmando ug nagpugos kanila sa pagprehistro, kun dili sugyot lang sa ilang kaugalingong kabubut-on nga magdungan pagparehistro sa Comelec.
Kini aron masiguro nila nga makabotar gyud sila unya sa umaabot nga piniliay sa Mayo 2007.
Una sila moadto sa Comelec, daan na nilang gisabot ang taga Comelec kalabot sa ilang dinungan nga pagparehistro hinungdan na gigahinan sila'g igong lugar didto sa buhatan niini nga dili makabalda sa mga sibilyang nagparehistro.
Sa umaabot nga election gisaad ni Omandam nga mobotar na gyud silang tanan bisan kon idestino pa sila'g lainlaing lugar, tungod kay may espesyal nga paagi ang Comelec pagsilbi sa ilang pagbotar nga dili makalapas sa balaod ug dili usab makahasol sa mga sibilyan.