Pag-host sa Cebu sa Summit madayon

Dako na ang kahigayonan nga mahinayon ang pag-host sa Sugbo sa 12th Association of Southeast Asian Nation (Asean) Summit karong Enero 2006 human sa kalit niining pagka-oktaba niadtong Disyembre 11 ngadto sa 14, 2006.

Si Mayor Thadeo Ouano nga gikahinabi sa Banat News miingon nga ang pagka-oktaba sa Asean Summit nakahatag usab og lugway sa gipahigayong pagpangandam.

Dugang pa niya nga ang dakong kahigayonan sa paghinayon sa Asean Summit karong Enero sa Sugbo gumikan usab sa pagkonpirmar sa mayoriya sa mga lider sa nasud sa Asean ug mga East Asian leaders alang sa ilang pagtambong.

Sa taho nga nahipos sa Banat News nga naglakip sa mikumpirmar alang sa pagtambong mao ang primero ministro sa Japan nga si Shinzo Abe.

Si Japan chief government spokesman Yasuhisa Shiosaki miingon nga si Prime Minister Abe molahos na lamang sa Pilipinas alang sa pagtambong sa Asean Summit sa Enero 14 ug 15, 2007 human usab sa iyang tour sa Britain, France, Germany ug Belgium.

Ang laing mikonpimar alang sa pagtambong sa Asean Summit karong Enero mao ang China, India ug gipaabot usab nga mosunod pa ang ubang mga nasud.