Lalaki giluba

Grabeng naangol ang usa ka lalaki kinsa biktima sa pagpamusil sa Ibabao Estancia, dakbayan sa Mandaue alas 2 pasado ang takna sa miaging kaadlawon.

Ang biktima mao si Frank Lebria Largo, 31 anyos, ulitawo nga lumad nga taga dakbayan sa Toledo ug temporaryong nagpuyo sa maong dakbayan.

Ang nagpusil mao ang duha ka wala nailhing lalaki nga naglakaw ra usab sa maong dapit nga gituohang mikursonada sa biktima nga maoy nakaingon samad sa kilid niining naangkon.

Si SPO1 Chester Quiros sa Presinto 1 sa Centro Police Station nga gikahinabi miingon nga gitubag nila ang maong alarma apan gidala na sa tambalanan ang biktima.

Dugang pa niya, nga ang ilang mga imbestigador padayon pa nga naghimog pakisusi sa pag-ila sa duha ka wala niilhing lalaki nga dali kaayong nakasibat pahilayo human sa maong hitabo.

Ang biktima kinsa unang gidala sa Mandaue City District Hospital ang ginalhin na ngadto sa Vicente Sotto Memorial Medical Center sa dakbayan sa Sugbo.