Pangilad sa Talisay nag-kagrabe ning tuiga

Pangilad nauso na kaayo sa siyudad sa Talisay diin ang modus sa mga supetsado kunohay magpatabang sa ilang target nga biktimahon pagpangita og sakyanan nga kakargahan sa ilang mga baligya-on unya magbilin og puntil nga kunohay usab adunay sulod nga daghang salapi bugti sa mga alahas o cellphone sa mga biktima.

Apan ang mga biktima makugang na lang tungod kay inig hiling nila sa puntil, pulos mga ginunting nga papel ang sulod niini.

Niadtong Lunes sa hapon, duha ka tawo ang nabiktima na usab sa pagpangilad, giilang sila si Cellia Bongcaras, 23-anyos ug Eldeniko Vincent Basillote, 14 mga residente sa Barangay Bulacao ug Dumlog sa maong siyudad.

Base sa imbestigasyon sa kapolisan sa siyudad nga si Bongcaras paingon nga mobayad sa iyang bayronon sa kuryente diha sa VECO giduol kini sa usa ka babaye nga nangayo og tabang og pangita og sakyanan para kargahan sa ilang mga prutas paingon sa Santander.

Ang suspetsado mibilin og puntil nga kunohay nga dunay sulod nga salapi bugti sa P4 mil nga salapi, usa ka chinese gold nga kwentas P3 mil ug nadala usab sa mangingilad ang mga resibo ni Bongcaras sa VECO, PLDT, sky cable ug sa ahensiya.

Sunod nga nabiktima si Basillote kinsa naghuwat sa iyang classmate diha sa Barangay San Isidro.

Nadala sa babaye ug lalaking mangingilad ang 6600 nga nokia cellphone ni Basillote.