Wa papalita og beer nag-wild, gipusil

Gipusil sa iyang silingan ang usa ka tawo nga kalit lang nag-wild sa dihang nasuko nga gibalibaran sa paliton unta niining usa ka kahon nga botelya sa beer.

Ang pagpamusil nahitabo alas 2 pasado ang takna sa miaging kaadlawon sa dalan A.S. Fortuna sa Banilad, Mandaue.

Si SPO3 Gil Roco sa kapolisan sa Presinto 2 sa Casuntingan Police Station miila sa biktima nga mao si Efren Secuya, 43, minyo nga nagpuyo sa maong dapit ug tag-iya sa tindahan nga nahimutang sa maong lugar.

Giila usab ni SPO3 Roco ang suspetsado nga mao si Gilbert Rabor, hingkod ang panuigon, minyo ug nagpuyo sa maong dapit.

Dugang pa ni Roco nga ang biktima nahinanok na og katulog apan nahipugwat sa dihang gipukaw sa suspetsado kay mopalit og beer.

Gibalibaran sa suspetsado sanglit kaadlawon na, apan gikasuko kini sa suspetsado kinsa mikuha og armas ug gipusil ang biktima sa iyang bukobuko.

Dali nga gidala ang biktima sa Vicente Sotto Memorial Medical Center ang suspetsado ug kinsa dali nga nakasibat padayon pang gipangita sa kapolisan.