Nadala sa mga kawatan ang sobra sa P40 mil nga salapi ug cellphone nga gibutang diha sa drawer.
Si SPO1 Rolando Torquedo sa Bogo Police Station nagkanayon nga kagahapon, ang mga polis nga miresponde sa insidente pinangulohan ni SPO3 Emmanuel Masong mipahigayon og ocular inspection sa lugar nga nahitaboan.
Base sa imbestigasyon sa mga polis, ang mga kawatan diha miagi sa naputol nga bahin sa atop nga sin.
Gitangtang sa mga suspetsado ang dual set nga sugang flourescent ug ang lungag niini maoy gihimong agianan paingon sa sulod.
Si Alan Dignos, 41, team leader sa LBC, Bogo team maoy mitaho sa insidente diha sa kapolisan sa lungsod niadtong Sabado sa buntag.
Nabantayan ni Dignos ug sa uban niining mga kauban nga nagkatag na ang mga papel diha sulod sa ilang buhatan.
Si Dignos mipahigayon dayon og imbentaryo ug napiho nga nadala sa mga kawatan ang P41 mil nga salapi ug usa ka cellphone nga nagkantidad og P1,200.
Ang kapolisan mipahigayon og follow-up sa maong insidente.