Sa special session giaprubahan sa konseho sa Mandaue niadtong miaging Huwebes ang maong kantidad gikan sa kaugalingong panudlanan sa kagamhanan.
Si Konsehal Wenceslao Gakit nga maoy chairman sa committee on budget and appropriation sa konseho sa dakbayan sa iyang pagpasabot, miingon nga ang maong kantidad maoy idugang sa P700,000 nga gigahin sa kagamhanan sa lalawigan sa Sugbo.
Dugang pagpasabot ni Gakit nga ang kagamhanan sa dakbayan nagkinahanglan og dugang kantidad nga maoy gamiton sa fashion show nga pagahimoon.
Naglakip sa maong kantidad ang balayranan sa kuhaong consultant nga maoy mopahigayon sa pagpangandam sa fashion show ug hangtod na sa adlaw pagpasundayag niini.
Sa nasayran sa Banat News nga ang mga asawa sa mga langyaw nga bisita nga motambong sa Asean hatagan usab og laing kalihokan atol sa mga adlaw sa Summit.
Si Mrs. Linda Ouano, unang ginang sa dakbayan sa Mandaue ug sakop sa beautification program Asean Summit maoy mangulo sa fashion show nga ipahigayon sa Capitol Social Hall sa Kapitolyo.