Ang biktima mao si Antonio Geroy, 38 anyos, residente sa lugar kinsa nanag-iya og duha ka unit sa Citrasco taxi.
Si PO2 Narciso Alforque, desk officer sa kapolisan sa Talisay nagkanayon kagahapon sa Banat News nga usa ka wala mailhing tawo nga dunay cell number 09157880492 ang mipadala og mensahe sa pagpanghulga ngadto ni Geroy.
Matud ni Alforque nga ang mensahe nagkanayon nga paandamon og P200 mil kung gusto pa kining makakitang buhi sa iyang anak ug nagkanayon usab ang suspetsado nga nakaila siya sa mga anak ni Geroy nga sila si Joan ug DJ nga pulos nagtungha diha sa Talisay Central School.
Si Alforque mibutyag nga gihulga usab si Geroy sa suspetsado nga patyon ang mga anak niini bisan unsang orasa kung dili kini mohatag og kwarta.
Ang suspetsado nagkanayon usab sa mensahe nga dili pasabaon bisan ni kinsa si Geroy ug aduna siya'y tawong sugoon nga mokuha sa kwarta nga iyang gipangayo.
Sulod niining buwana base sa natala sa blotter sa kapolisan sa siyudad tulo na ka residente sa Talisay lakip niini si Geroy ang nabiktima sa pagpanghulga pinaagi sa text.