Ang biktima mao si Mario Quirol, 22, ulitawo ug barangay tanod sa Tuminjao.
Samtang ang drayber sa trak de karga nga nagtangag sa plaka PFE-311 nga gimaneho ni Roque Siasat Lingaro, minyo ug nagpuyo sa Dalingding sa maong lungsod.
Si PO3 Bonifacio Asingua nga nahinabi sa Banat News miingon nga nagmaneho og motorsiklo si Quirol gikan sa munisipyo kay dunay paliton.
Samtang si Lingaro nagkarga og mga punoan sa tubo paingon sa Bogo Medellin Development Corp. sa Medellin aron magpagaling sa tubo.
Sa dihang ang duha nag-abot sa may kurbadahon nga bahin ang biktima maayong pagkaigo sa bumper sa de karga hinungdan nga nabuwag kini sa motorsiklo ug nalagpot sa karsada.
Ang biktima nakaangkon og daghang samad ug bali sa kalawasan human mabunal. Apil sa naapiktahan mao ang ulo niini hinungdan dali kining gidala sa Vicente Sotto Memorial Medical Center.
Apan milanat ang pipila ka gutlo gikan sa pag-abot sa nahisgutang tambalanan nakabsan gyud kini sa kinabuhi.
Si Siasat, human sa aksidente boluntaryong mitahan sa kaugalingon sa kapolisan ug gitanggong na karon sa detention cell.
Matud ni PO3 Asingua wala pa nila kapasakai og kaso ang drayber kay posibling adunay himuong sabotsabot tali sa kabanay sa biktima ug sa nakadasmag.