40 ka balay naugdaw sa Mandaue

Dul-an sa 40 ka panimalay ang naugdaw ug naapil sa dakong sunog didto sa Purok Tambis,Casuntingan dakbayan sa Mandaue kagahapon sa hapon. Ang maong sunog nadawat sa kabomberohan sa dakbayan sa Mandaue 2:37 ug gisaka sa 3rd alarm ni Mandaue City Fire Marshall F/CInsp. Oscar Mayol. Patrol cars sa CCPO "gibawi" sa PRO7

Mga patrolcars gikan sa Kampo Crame nga gipahulam sa Cebu City Police Office gipangbawi tungod sa giingong pagbutang og mga stickers diha sa maong sakyanan nga giingong wala ikahimuot sa kadagkoan sa kapolisan sa kaulohan.

Ang maong mga patrol cars gipapitlan og "CCPO" ug asang police station sila nadestino.

Matud pa ni CCPO officer-in-charge, Supt. Mariano Natuel nga ang mga stickers gituyo og butang aron daling mailhan tungod kini sa gas allocation nga gibayran sa Cebu City Hall.

"Ang purpose ato sa pagbutang og stickers is for gas allocation para madali ma-identify maong gibutangan kun asa sila nga police station nabutang, anyway sticker ra man na anytime pwede rang tangtangon," asoy pang Natuel.

Dunay kapin sa 200 ka mga patrolcars ang gipalit sa PNP aron gamiton sa umaabot nga summit karong Disyembre diin pipila niini gipagamit una sa mga police units sa Metro Cebu.

Kagahapon giklaro ni Police Regional Office 7 Director Silverio Alarcio Jr. sa mga sakop sa media nga dili tungod sa stickers ang pagbawi kun dili aron pagtigum sa tanang mga patrol cars alang sa ipahigayong ASEAN summit 'dry-runs' karong Disyembre.

"Yung mga Altis (patrol cars) ipinahiram lang sa CCPO habang di ginagamit ng ASEAN delegates. Ngayon kailangan ng ma-consolidate at gamitin sa mga dry-runs nga iba't-ibang convoys kaya pinapasauli na pati yung sa Lapulapu at Mandaue," pagklaro pa ni Alarcio.

Ang kapolisan gikatakdang mopahigayon sa maong dry-run karong Disyembre 1 diin susihon ang kaandam sa seguridad diha sa mga venue, ceremonial routes, mga hotel nga katulgan sa mga delegado ug uban pang mga kalihukan.

Dunay giandam nga gibana-banang kapin sa 6,000 ka mga polis ug liboan usab ka mga sundalo ang nia karon sa Sugbo aron pagseguro sa maong kalihukan nga walay dautang mahitabo sa mga bisitang langyaw.- Edwin Ian Melecio