Taas nga singil sa mga hotel dinhi angayang sabton sa mga delegado

Taas nga singil sa hotel accommodation nga gi reklamo para sa umaabot nga ASEAN summit delegates angay nga sabton sa mga delegado.

Kini maoy gutug-an ni Gobernador Gwendolyn Garcia dihang nahinabi kagahapon sa mga tigbalita.

Matud pa niya nga di siya makabasol sa mga tag-iya sa hotel tungod ang bulan sa Disyembre usa ka panahon nga taas ang "law of supply and demand" kay daghan ang mga bakasyonista nga moanhi sa Sugbo.

Gidugang pa sa gobernador nga normal lang usab kini isip usa ka negosyante nga mopataas sa ilang presyo apan di pod nila pasobraan pag-ayo kay di naman sad kini maayo. "Lets not make the rate an issue, its only normal to them labina kasagaran sa mga hotel dinhi sa Sugbo nagpaayo ug nagpanindot gayod atol sa umaabot nga ASEAN summit.

"Angay pod unta sila makasabot kay kasagaran nga moapil niini mga businessman man usab and they know how business operates. Ang ako lang matod pa sa gobernador nga di lang gyod pasobraan ug taas ang presyo" matud pa sa gobernador kinsa midugang nga pagkakaron nindot ang relasyon sa public and private sector dinhi sa Sugbo.

Kahinumduman niadtong milabay nga semana usa kini ka reklamo nga gitug-an sa mga delegado sa Pre-Summit Business Seminar dinhi sa Sugbo ug usab sa mga International Media nga moanhi alang sa mao nga katuyuan sa pagkuha ug balita sa ASEAN SUMMIT.