Kini ang nasayran sa Banat News kang PO2 Chester Quiros sa kapolisan sa Presinto 1 sa Centro Police Station sa follow up nga gihimo kagahapon.
Matud pa niya nga nagpadayon karon ang ilang imbestigasyon alang sa pag-ila sa nagpusil patay kang Amelito Rivera, 42 anyos nga taga Labogon ug chief engineer sa tugboat kinsa kuyog sa ig-agaw niini nga si Isosiles Sosing Rivera nga taga Bogo nga naangol.
Dugang pa niya ang kabanay sa mga biktima sa ilang pagpangutana wala mahinumdom nga may gikaaway ang mga biktima.
Si PO2 Quiros miingon nga ilang gipaabot nga may mga saksi nga makahatag kanila og dalan alang sa pag-ila sa mamumuno.
Kahinumdoman nga ang namatay ug ang kuyog nga ig-agaw niini ang gikan pa nga nagbilar sa namatay nilang ig-agaw nga retiradong polis nga si Roy Codeniera kinsa gilubong na niadtong miaging Sabado sa hapon.
Dugang pa niya nga sa dapit nga nahitaboan may mga pundok sa mga batan-on nga gidudahang sakop sa fraternity nga kanunay nilang malambigit sa mga panag-engkuwentro sa maong dapit.