Si Lapu-Lapu City Police Chief Supt. Louie Oppus nga nahinabi sa Banat News miingon nga dako kaayo ang ikatabang sa mga bag-ong komunikasyon ug armas nga ilang i-apod-apod ngadto sa mga FTP ug mga elemento sa kapolisan alang sa ilang proteksiyon ug dali nga pagresponde.
Ang mga FTP mahatagan lamang sa ilang service firearms human sa ilang pagahimoon nga gun safety seminar ug record firing nga himuon sa target range sa Cebu Pistol and Riffle Associations (CPRA) sa Pusok, Lapu-Lapu.
Matud pa ni Oppus nga kinahanglang masayran ang abilidad sa mga FTP sa paggamit sa armas sa dili pa kini isyuhan og armas.
Ang mopahigayon sa gun proficiency test mao ang kadagkuan sa PRO-7 R4 pinaagi ni Sr. Supt. Rodel Calungsod ug Supt. Paquito Belandres ug kini sugdan sa daling panahon.
Samtang ang mga bag-ong radyo ihatag usab kini sa mga nagkadaiyang presinto sa kapolisan sa Lapu-Lapu ug mga polis nga nadestino sa mga rota nga agian sa mga delegado sa Asean summit.