Si Relado kinsa maoy gitudlong hepe nga milingkod kagahapon nagkanayon nga kung dunay makitang rason aron imbestigahon ang iyang mga sakop kabahin sa pag-ikyas ni Teodoro Paray iyang irekomendar kang Cebu City Police Office acting director Melvin Gayotin nga ang Criminal Investigation and Intelligence Branch na ang mohimo niini.
"Kung totoo man yung lumabas sa report, I will recommend na ang CIIB na ang mag-investigate, kasi ang mga na-involve ay taga TRS tapos kung TRS din ang mag-iimbestiga baka mabahiran ng malisya," asoy pang Relado.
Matud pang Relado base sa nakuhang kasayuran kabahin sa insidente, natino nga si Paray gipabuhian na sa piskalya tungod kay misang-at og affidavit of desistance ang biktima niini nga tag-iya sa SQM marketing sa dalan Sanciangko.
Sumala pa sa TRS nga si Paray ug ang iyang kapuyong si Marycris Buenavista kinsa trabahante sa maong tindahan maoy gidudahang milungkab sa mga baligyang sim packs nga nagbalor og P200 mil.
Nadakpan si Paray niadtong pagka-Nobiyembre 2 apan giingong ang usa sa mga igsuon niini maoy nakig-areglo sa mga kihante sumala pang Relado.
Matud pang Relado nga dunay commitment order nga gipagawas ang piskalya nga nagrekomendar kang Paray nga ipasulod kini sa drug rehabilitation center apan giingong nakabantay kini maong midagan.
"Ang sabi na-release na kasi nagka-areglo na daw pero merong sabi-sabi na ipaparehab daw, natakot siguro si Paray kaya tumakas," asoy pang Relado.