Ang biktima mao si Junilito Serad Laurente, 26, minyo nga nagpuyo sa maong dapit. Samtang laing nasamdan mao si Juan Juliber Juntilla Jayme, 21, ulitawo ug ang amahan niini nga si Benancio Jayme, hingkod ang panuigon nga silingan ra sa biktima.
Base sa imbestigasyon ni PO3 Glenn Manulat sa Danao Police Station nasayran nga gikan si Laurente sa panimalay sa iyang higala sa maong dapit ug sa dihang mopauli na unta kini iyang gikasugat si Juan ug Benancio Jayme sa sitio Bagakay.
Human sa ilang panagkita mitumaw ang panaglalis sa tulo ug misangpot kini sa pagpinusilay nila ni Laurente ug sa mga Jayme.
Si Laurente samaran sa iyang walang dughan, samtang si Juan Jayme samaran sa iyang walang kilid sa lawas sa wala pa mailhing kalibre sa armas nga gigamit sa duha.
Si Laurente ug Jayme gidala sa Danao District Hospital ug gibalhin sa tambalanan sa Sugbo.
Hangtod ning pagbalita wala pa hisayri kun unsay motibo sa duha nga nagpinusilay sa maong dapit samtang padayon pa ang imbestigasyon sa kapolisan sa Danao.