Si Mayor Thadeo Ouano maoy nagpadala sa maong mga tawo nga gitumong alang sa pagpadali og andam sa maong kontrobersiyal nga proyekto alang sa initial inspection niini karong Huwebes.
Sa nasayran sa Banat News nga ang mokabat sa P16.27 milyones nga kantidad gigahin sa kagamhanan sa maong dakbayan alang sa landscaping sa kadalanan.
Ang maong kantidad maoy nalakip sa supplemental budget nga gipalabang sa mga sakop sa konseho nga ilang gituki sa regular session nga gihimo sa miaging semana.
Dugang kining kantidad nga gigahin sa kagamhanan sa maong dakbayan sa pagpatahum sa kadalanan nga naglibot sa CICC pinaagi sa pagpananom og mga ornamental plants.
Kahinumduman nga ang kagamhanan sa maong dakbayan ang unang migahin og mokabat sa P2 milyones nga kantidad nga maoy gigamit sa pagpamalit og pintal sa kabalayan sa 1st Mactan Mandaue Bridge sa Looc.
Gawas sa gipahigayong pagpamintal may mga balay usab nga nag-atop og nipa sa maong lugar ang giilisan og sin nga gidonar gihapon sa kagamhanan.