Nahitabo kini sa miaging kaadlawon ug ang silingan niini nga si Lourdes Sala maoy nagtaho sa Subangdaku Police Station.
Ang biktima mao si Junrey Sobroso, alyas Jongjong, 20 anyos, ulitawo nga nagpuyo sa maong dapit.
Gidunggab ang biktima sa wala mailhing mamumuno ug gibiyaan lang kining nagbuy-od sa maong dapit nga naligo sa kaugalingong dugo.
Ang inahan sa biktima nga si Remedios Sobroso nga gisukitsukit nila ni P03 Labus miingon nga wala gayod siya makamatikod nga may kontra ang iyang anak.
Ang pipila ka mga silingan sa suspetsado nga gikahinabi sa Banat News miingon nga wala sila makamatikod nga may gikaaway ang biktima sa maong dapit.