Daghang trainee mouli

Daghan sa mga Field Training Police (FTP) nga nadestino sa kapolisan sa dakbayan sa Mandaue ang nagtinguha unta sa pagpauli sa ilang mga lalawigan aron sa pasaulog sa kalag-kalag.

Ang maong mga polis mi-endosar unta sa travel order sa buhatan ni Mandaue City Police Director Sr. Supt. Eduardo kinsa mihimo usab og higpit nga paghashas.

Sa nasayran sa Banat News nga si Senior Catabas ang mihatag lamang og travel order sa mga FTP nga adunay balido nga mga katarungan.

Ang pipila sa sakop sa FTP nga gihatagan og pagtugot ni Catabas nga balidong katarungan mao kadtong namatyan o gikatakda ang adlaw sa ilang kasal.

Si Sr. Insp. Nicandro Seno task force commander sa FTP sa Mandaue City Police Office (MCP0) nga gikahinabi sa Banat News miingon nga daghan sa FTP nga nagtinguha sa pagpauli migamit og nagkadaiyang mga katarungan sa mga FTP nga nangayog travel order apan si Catabas mipili lamang niadtong mga balido nga hinungdan.