Ang nahisgotang dakbayan gihatagan sa maong pasidungog tungod sa malampusong pagpatuman sa city nutrition program nga nakahatag og kahimsog sa panglawas sa kabataan.
Ang mga nakadawat sa maong pasidungog nga mga dapit dinhi sa nasud mao ang lain pang 11 ka dapit niini nga naglakip sa Sudipen, La Union, Cagayan Province, Quezon Province, Marinduque Province, Boac, Marinduque, Maasin Province ug uban pa.
Kini base sa survey nga gihimo sa mga sakop sa komite sa buhatan sa National Nutrition Council nga gipangulohan ni Health Secretary Francisco Doque.
Kini nagmatuod sa kaepektibo sa programa sa dakbayan nga Milk Feeding Program nga gipatuman sa kagamhanan sa 27 ka barangay nga gidumala sa 90 ka barangay nutrition scholars.
Naglakip sa maong programa ang paghatag og bitamina, pagpainom og gatas ug ang paghatag og puno sa sustansiya nga pagkaon sulod sa 120 ka adlaw kini gigahinan og P2 milyones nga pundo sa dakbayan.