Ang Manggagawa sa Komunikasyon ng Pilipinas PLDT Union mihimo og usa ka welga aron mahibaw-an niini sa mga kadagkuan sa maong telekomunikasyon ang ilang sentimento.
Si Beloy Rosales tigpamaba sa MKP nga nahinabi sa Banat News nagkanayon nga ang Jericho March usa ka tinuig nga kalihukan sa maong mga empleyado diin ila ipadangat ang nag-ungot nga mga problema niini.
Matud pa ni Rosales nga ang problema sa suholan ug medical benefits maoy sentro karon sa mga empleyado nga mapasa sa mga kadagkuan sa buhatan tungod kay hangtod karon wala pa misaka ang ilang suholan.
Midugang kini nga ang management dili moatubang og dugay sa mga empleyado nga nagwelga aron hisgutan ang maong problema.
Hangtod karon ang negosasyon tali sa Manggagawa sa Komunikasyon ng Pilipinas ug ang kadagkuan sa maong buhatan padayong nagsabot-sabot ug kini molungtad karong buwan sa Nobiyembre 7 ning tuiga.