Gipusil misukol; suspek

Usa ka batan-ong lalaki nga biktima sa pagpamusil nakalingkawas sa kamatayon human misukol sa suspetsado nga midagan sa karatol kay gisuklan biniyaan ang iyang motorsiklo.

Nahitabo kini alas 2 pasado ang takna sa miaging kaadlawon sa dalan P. Remedio, Banilad, d Mandaue.

Si PO2 Rey Cuyos miila sa biktima nga mao si Joel Borgonia, 21, ulitawo nga nagpuyo sa maong dapit.

Ang suspetsado nailhan lang nga usa ka Leo, hingkod ang panuigon ug giingong nagpuyo sa silingang barangay sa maong dakbayan.

Si PO2 Manatad sa kapolisan sa Casuntingan Police Station nga gikahinabi sa Banat News miingon nga nagkatibulaag ang mga tawo sa usa ka disko nga gitambongan sa biktima human magrambol ang pundok sa mga batan-on.

Ang biktima kinsa mipauli na sa ilang panimalay giatangan sa suspetsado sa ngitngit nga bahin sa maong dapit ug kalit lang gipusil.

Misukol ang biktima bisan kun nagkadugo na ang tiyan nga naigo sa pagpamusil kini suspetsado nga naratol ang midagan pahilayo ug nabiyaan ang motorsiklo.



Ang motorsiklo sa suspetsado maoy gikargahan sa biktima dihang dali kining gidala sa mga silingan sa Mandaue City District Hospital.