Lokal nga disaster council 'tinguha

Gihingusgan karon sa Regional Disaster Coordinating Council-7 ang pagpahulma og mga local disaster coordinating councils sa matag lungsod ug barangay.

Usa ka resolusyon ang gipasar sa RDCC-7 nga naghangyo sa National Disaster Coordinating Council ug Department of Interior and Local Government nga pamandoan ang mga mayor ug mga barangay kapitan sa pagmugna og Municipal ug Barangay Disaster Coordinating Council.

Kini nasabutan sa mga sakop sa RDCC-7 nga gipanguluhan sa hepe sa Police Regional Office 7, P/CSupt. Silverio Alarcio Jr. sa niaging tigum.

Sa iyang bahin, ang assistant regional director sa DILG-7 nga si Pedro Noval nipadayag sa iyang kalipay sa maong lakang aron mas mahimong andam ang mga lumulupyo sa higayon nga adunay katalagman.

Sa pagkakaron, gihatagan lang og kagawasan sa DILG ang mga mayor ug barangay kapitan sa pagdesisyon sa paghimo og disaster coordinating council.