Ang biktima mao si Nelson Alfetche nga taga V. Rama Avenue ning dakbayan sa Sugbo.
Si Alfetche mituyo og adto sa nahisgutang dapit nagdala og sakyanan nga Anfra ug miadto sa baybayon dayong kaligo sa dagat.
Segun sa report sa kapolisan usa ka Gerpiedo Poro, tanod sa maong lugar, maoy unang nakakita sa biktima nga diha sa dagat.
Apan si Poro wala magdugay miuli sa ilang panimalay apan dangta'g pila ka minutos ang milabay ang maguwang babaye ni Poro mipahibalo kaniya nga dunay tawo nga misinggit nga nangayog tabang.
Hinungdan nga ila dayong gisusi ug nasuta nga naglutaw na kini sa dagat ang biktima.
Ang biktima daling gidala sa mga lomulopyo sa Sogod District Hospital apan nakabsan nang daan sa kinabuhi pag-abot sa maong tambalanan.
"Nakahukom seguro ni siya nga maligo sa dagat, unya didto sa lawom basin wala nay praktis nga paglangoy mao segurong gibikogan siya," asoy ni SPO1 Vicente Bacayo sa dihang nahinabi sa Banat News kagahapon sa hapon.