Nahitabo kini alas 10 pasado ang takna sa miaging gabii sa barangay Valencia, lungsod sa Carcar.
Ang namatay mao si Rosita Tangag, 56, minyo ug nagpuyo usab sa maong dapit.
Ang mga naangol mao sila si Benvienido Tagag, 58, minyo, Lady May Tangag, 5, Arlyne Alcento, 35, Judito Asisto, 36, Wilma Linoso, 19, Roger Tangag, 36, Arvyn Tangag, 35, Jimmyma Tangag, 1 year old, Jay France Tangag, 1 year old ug Jovelyn Caston, 21 nga pulos lumolupyo sa maong dapit.
Si PO3 Reynaldo Fuentes sa kapolisan sa nahisgotang lungsod nga gikahinabi sa Banat News miingon nga sila si SPO1 Joseph Quimod ug mga kauban sa traffic section maoy dali nga mitubag sa maong alarma.
Dugang pa niya nga sa imbestigasyon nga gihimo nasayran nga gikan pa sa lungsod sa Moalboal ang mga biktima nga nagluwan sa multicab nga gimaneho sa drayber nga si Roger Tangag.
Subay sa imbestigasyon nga gihimo maoy gituohan nga nakatagpilaw ang drayber nga nagmaneho nga maoy hinungdan sa pagkahagbong ngadto sa habog nga pangpang.
Matud pa ni PO3 Fuentes nga si Rosita Tangag nga nakasinati og dakong kadaut sa lawas atol sa maong aksidente ang namatay nga wala madala og tambalanan.
Samtang ang mga naangol ang dali nga gidala sa district hospital sa lungsod ug gibalhin kini ngadto sa Vicente Sotto Memorial Medical Center sa dakbayan sa Sugbo.