2 ka babayeng FTP gipanghinol sa opisyal

Gipaubos sa floating status sa Police Regional Office (PR0-7) ang kanhi deputy traffic chief sa Mandaue City Police Office (MCP0) tungod sa reklamo sa duha ka babayeng Field Training Policewoman nga gihinol niini ang pribadong parte sa lawas.

Si Inspector Arquillano Banares unang gireklamo sa duha ka biktima ngadto sa Internal Affair Service sa MCP0 nga maoy hinungdan sa pagkatangtang niini isip deputy chief sa traffic sa nahisgotang kuwerpo.

Sumala sa reklamo nga ang maong opisyal kinsa nakainom og ilimnong makahubog atol sa pag-duty isip officer of the day sa MCPO mitawag sa duha ka FTP nga babayeng gikan sa rehiyon II sa pagduol sa gilingkoran niini sa iyang buhatan.

Dihang miduol ang duha ka biktima nga nagbarog sa iyang atubangan kalit lang gipanghikap ni Insp. Banares ang mga pribado nga parte sa kalawasan.

Si SP03 Apolinario Neiz, chief investigator sa traffic sa MCP0 nga gikahinabi sa Banat News mikompirmar usab sa maong hitabo.

Matud pa niya nga si Inspector Banares kinsa gireklamo sa mga biktima sa IAS sa MCPO ang gipasakaan pa gyod og reklamo sa Ombudsman for the military sa Visayas.

Girelibohan kini sa katungdanan niadto lang miaging adlaw ug gihulipan ni SPO3 Anecito Lutchavez isip deputy chief sa traffic sa MCPO sanglit gipaubos man kini sa floating status ni PRO-7 chief, Chief Silverio Alarcio Jr.