Gihulga pa sa 54 anyos (ngan gipugngan) ama-ama ang biktima nga hutdon silag pamatay kon mosumbong.
Ang inahan sa biktima magtumoran og saging dinhi sa dakbayan sa Sugbo kada Miyerkules ug Domingo diin mao usab ang higayon nga lugoson siya sa suspek.
Gisukitsukit sa inahan sa miaging gabii sulod sa ilang pinuy-anan human magduda nga nianam na og kadako ang lawas niini.
"Pagsukitsukit gyud sa inahan sa iyang anak diha ang suspek nakapaminaw mao tong nakasibat dayon, nagduda naman ang inahan kay midako na ang lawas" asoy ni P/Insp. Juan Casipong hepe sa Dumanjug sa dihang nahinabi sa Banat News.
Matud ni Casipong nga ang biktima gilugos kaduha ka higayon niadtong bulan sa Marso ning tuiga, giusban sa Abril ug katapusan niadtong Septiyembre.
Ang biktima gidala kagahapon sa pink room sa Vicente Sotto Memorial Medical Center aron ipahiling.
Sa laing bahin diha sa Daan Bantayan usa ka singko anyos ang giamong-amongan sa iyang silingan human gipasulod ang tudlo sa kinatawo niini.
Giila ang suspek nga si Roque Reyes, hingkod, minyo ug silingan sa biktima.
Sigun sa report nagduwa ang biktima sa tugkaran sa ilang balay dihang kalit niabot ang suspek dayong tunol sa dos pesos nga sinsilyo dungan sa pagpasok sa iyang tudlo.
Ang kapolisan sa Daan Bantayan padayon pa karong nangita ni Reyes kinsa daling milayas palayo sa dapit.