Ihatag kini atol sa flag-raising ceremony sa Lunes.
Gibutyag ni Mayor Mario Patrick Barcenas sa Carcar sa DYMR Radyo ng Bayan Cebu, nga dili lang niya ipahibawo sa publiko karon ang kantidad sa ilang igante kang Agadier kay daginoton ra kaayo.
Apan iyang gitino nga si Agadier kinsa nag-alagad sa dul-ang 20 anyos sa kapolisan sa Carcar, usa ka "sharp shooter".
Kini nasukod na kanunay ni Barcenas ang tinuod nga abilidad sa pagkupot sa armas ni Agadier gumikan kay matag semana may regular nga shooting exercises ang iyang 52 ka polis.
Miingon si Barcenas nga siya gyud mismo maoy nanguna niini ug kauban siya kanunay basta may higayon siya sa matag praktis nga himoon sa iyang kapolisan.
Gawas sa shooting, gipatudloan pa usab ni Barcenas ang iyang kapolisan og martial arts, nga naglakip sa arnis, judo-karate ug uban pang matang sa self-defense.
Maoy hinungdan nga alang kang Barcenas "proud" kaayo siya sa kalamposan ni Agadier tungod kay kabahin siya sa mga kalamposan niini.