Si Salvador Canceran Juanillo, taga Purok Nangka, Consolacion patay dihadiha sa dihang gipusil makatulo sa iyang mga silingang sila si Roy Meñares ug Judy Buhawe samtang naglakaw paingon sa iyang balay.
Laing gipusil ug naigo sa hawak si Joel Plando sa Guiwang, Alcoy samtang mopauli na unta gikang nagduwa og tong-its hinungdan sa pagkahilandig niya sa tambalanan.
Sa duha ka hitabong panunggab, namatay ang hubog nga si Bienvenido Burlasa, 48, human gidunggab sa laing hubog nga si Samuel Nodalo, 39, didto sa Sta. Cruz, San Francisco, isla sa Camotes. Igo lang miagi sa tungo ni Nodalo sa dihang gihansakan niya og kutsilyo sa kutokuto si Burlasa.
Samtang si Wilson Baron Torrecampo, 27, taga Suba, ning dakbayan giluba sa tiyan samtang nanulong og disko sa Pajac, Lapulapu. Ang nagluba mao ang usa ka Archie Valienter. - RBP, RTL