Si Mayor Tomas Osmeña mituo sa kabalido sa gipahigayong buy bust operation sa kapolisan diha sa Ermita niadtong miaging semana nga miresulta sa pagkasikop kang Tude nga nagbaligya og shabu ngadto sa polis nga nagpailang puseur buyer.
"I think that's enough evidence to prosecute him", dugang asoy ni Osmeña.
Matud sa mayor dunay mga tawong nagbaligya og gidiling drugas (shabu) nga dili mogamit og gidiling drugas apan wala kini magpasabot nga wala kini malambigit sa maong matang sa negosyo.
Nakasabot hinuon ang mayor sa gihimong pagpanalipod ni Ermita barangay captain Felisicimo "Emok" Rupinta nga nangugat pag-depensa ug mipasalig pang mo-resign sa katungdanan kun mapamatud-ang positibo sa gidiling drugas ang iyang SK-chairman sa ipahigayon unya nga drug test.
Ang SK chairman nga si Tude padayong mihimakak sa maong akusasyon ug nagdumili sab nga mapa-ubos siya sa drug test kun wala ang iyang abogado nga mokuyog kaniya.