Joavan F. wala diha sa Talisay City Jail

Mga Talisaynon nagduda nga si Joavan Fernandez wala itanggong diha sa City Jail sa Maghaway Talisay tungod kay si Jail Warden Johnson Calub nagdumili sa pagbutyag kun asa nga cottage ang anak sa mayor gibalhog.

Si Calub sa pakighinabi niini sa Banat News kagahapon sa buntag nagkanayon nga tungod sa "security reason" nila ug ni Joavan hinungdan nga nagdumili siya sa pagbutyag sa nahimutangan niini.

Ang warden mihagit nga mahimong makasulod sa city jail ang mga sakop sa prensa pagwala sa pagduda apan dili siya motugot nga magdala kini og mga camera ug cellular phones.

Gitataw usab sa warden nga wala niya hatagi og special treatment si Joavan sanglit gitipon niya kini sa mga priso nga dili mga prominente kinsa adunay mga kaso usab nga murder.

Kahinumduman nga sa milabay'ng adlaw si Joavan boluntaryong gitahan ni Mayor Socrates Fernandez sa otoridad human kini malutsi og warrant of arrest sa kasong murder nga giluwatan ni Regional Trial Court Judge Estella Alma Singco sa branch 12.