Ang pasakaan og kaso mao ang usa ka polis nga nadestino sa Cebu City Police Office apan dili pa ikabutyag ang pangalan ug asang police station kini madestino.
Matud pa ni Supt. Melvin Gayotin sa Banat News nga sa pagkakaron ang maong polis girelibuhan na gikan sa estasyunan nga gidestinuhan niini ug gibutang sa Service Security Group.
Ang Homicide Section gikatahong nakakuha na og dili moubos lima ka testigos nga mihatag og pamahayag kalabot sa kaso nga nagtumbok sa maong polis nga duna kini kalambigitan.
Samtang si Supt. Pablo Labra mitug-an sa mga tigbalita nga lig-on kaayo ang ilang nakuhang mga ebidensya nga nagtumbok gyud sa maong polis nga duna kini kalambigitan sa pagpatay nila ni Pilar Hernandez ug Wevina Pancho.
"We have enough circumstantial evidences, physical, all laboratory examination turn out to be positive," asoy pang Labra.
Mismong si Pancho bisan sa grabeng samad nga naangkon gikatahong nakasulti pa kang PO2 Jessie Yramis kinsa nadestino sa San Nicolas police station kung si kinsa ang suspek.
Dunay migawas nga report nga nasulat pa sa usa sa mga biktima kung si kinsa maong suspek apan wala pa kini ikumpirmar sa kapolisan sanglit makalawgaw unya sa kaso.