Mga boring nakasud sa Mandaue city jail

Mga babayeng nagbaligya sa ilang lawas gikatahong nakasulod na sa Mandaue City Jail hinungdan nga ang mga asawa padad-on na og marriage contract sa dili pa pasudlon sa conjugal visiting area.

Si Mandaue City Jail Warden Chief Insp. Jose Moring, miisyu sa maong kamanduan human tulo ka mga babayeng nagbaligya sa ilang lawas nasakpan nga misulod sa conjugal visiting areas bisan dili nila bana ang mga binilanggo.

Matud pa ni Moring nga kasagaran sa mga binilanggo magpasumangil nga manawag sa ilang mga kabanay, apan mga babayeng mugbo og lupad diay ang ilang gikontak ug magpakaaron-ingnon nga ig-agaw sa mga binilanggo aron kini makasulod ug mahibulong sila nga mosulod kini sa dapit diin ang magtiayon lamang ang gitugotan niini.

Matud pa ni Moring nga duna nay usa ka binilanggo nga nasira na sa babaye gumikan sa maong modus operandi.

Gumikan niini mimando ang jail warden nga ang tanang dalaw nga asawa magdala gyud og marriage contract aron maklaro nga kini asawa sa mga binilanggo.

Sumala pa niya nga mao usab kini ang hangyo sa mga asawa nga nasayod nga dunay mga babayeng dili mga asawa nga sulod-gawas sa city jail.

Gipanghimakak usab ni Moring nga adunay mga babayeng bayaran nga ihatag ngadto sa mga Chinese national nga nabilanggo gumikan sa shabu laboratory. Bugtong ang mga bisita nga Intsik lamang sa mga binilanggo ang ilang gipasulod sa Mandaue City Jail.