Si Gayotin sa pakighinabi sa Banat News mitug-an nga dili exempted sa pletihan ang mga FTPs ug nagtuong basin nagpakaaron -ingnon lang silang mga secret marshals.
"We are not using FTPs as police detectives, so wala sila'y reason para mamukong," pagklaro pang Gayotin ug midugang nga mismo gani ang mga secret marshals dunay kaugalingong plete.
Ang mga secret marshals niadtong milabay'ng mga semana gireklamo usab sa susamang paagi sa mga driver hinungdan nga nagtuo ang kadagkuan sa kapolisan nga posibleng dunay mga nagpakaaron-ingnong mga secret marshals aron lang makalibre sa pletihan.
Matud pang Gayotin ang mga police detectives gimandoang moduol una sa mga drayber ug mopahibalo sa ilang intensyon nga manakay sa PUJ ug gikinahanglang mamayad sila sa plete.
Kagahapon mipahigayon og weekly meeting ang Police Regional Office 7 aron tukion ang ilang agi sa milabay'ng semana aron matino usab kung milambo ang ilang kampanya ug kung unsa ang ilang nahimong accomplishment lakip na usab pagtino kung unsay kinahanglang usbon.