34-anyos lalaki naghikot og pisi

Usa ka 34 anyos nga lalaki nga bag-o lang nga nakagawas gikan sa pagkabalhog sa Bagong Buhay and Rehabilitation Center (BBRC) sa dakbayan sa Sugbo apalgan patay na human maghikog pinaagi sa paghigot og pisi nga nylon sa iyang liog.

Ang paghikog gibanabanang nahitabo sayo pa sa miaging Martes sa gabii apan kaadlawon na nga nadiskubrehan sa iyang mga kabanay.

Ang namatay mao si Emmanuel Senabre, minyo nga nagpuyo sa Duljo Fatima, kinsa nabilanggo sa BBRC tungod sa paggamit sa ginadiling drugas.

Si Lourdes Senabre, 55, nga inahan sa biktima maoy mipahibalo sa kapolisan alas 3 pasado ang takna kagahapon sa kaadlawon.

Sa pakisusi nila ni SPO2 Rey Cuyos sa Homicide Section sa Cebu City Police Office (CCPO) miingon nga niadto pang Martes sa hapon nga nakagawas gikan sa bilanggoan sa BBRC ang biktima.

Naguol ang biktima sa pagpauli sa ilang panimalay nga wala diha ang asawa ug daw misamot ang hilabihang kaguol dihang hangtod sa gabii wala kini mopauli.