Si Alarcio atubangan sa bag-ong 98 ka mga FTPs nga gikan sa PRO7 miawhag kanila sa pagtug-an unsa ang ilang mga problema gikan sa pinansyal hangtud sa ilang uniporme ug uban pa.
"Huwag magtago ng problema, dahil hindi kasalanan ang magsabi ng problema,as much as possible dapat wala tayong problema administratively,"awhag pa sa opisyal.
Pipila sa mga FTPs kagahapon ang mitug-an nga wala pa makumpleto ang ilang uniporme, walay mga armas, ug wala pa usab ang reserba nilang uniporme.
Matud pang Alarcio nga gipaabot nga dunay kapin sa 10 mil ka mga bisita ang mangabot atol sa ASEAN Summit ug ang mga FTPs ug mga polis dinhi sa dakbayan maoy mosigurong luwas ang Sugbo gikan sa organisado ug dili organisadong mga kriminal.
Dugang pa sa mga opisyal nga angayang hinumduman sa mga FTPs ug mga polis dinhi sa Sugbo nga posibleng di na mausab ang pagpahigayon og ASEAN summit dinhi sa Sugbo maong angayang buhaton ang tanan aron mahapsay ang maong kalihukan ug magbilin kini og maayong panumduman sa mga tawong manganhi dinhi.
"Your presence in the ground will help a lot, your presence should command respect to the community, that is your individual responsibility,"dugang pa sa heneral.
Ang pagbutang sa mga FTPs gitumong aron makatabang sa pagsumpo sa mga krimen ug dili susama og dekorasyon alang sa umaabot nga ASEAN summit, pagklaro pa ni Alarcio.