Pletihan di paubsan

Magpabilin ang P6 nga minimum nga plitehan sa mga bus ug PUJ nga pasaheroan dinhi sa Sugbo bisan kon adunay sunod-sunod nga pagpakunhod sa matag presyo sa produktong petrolyo.

Kini ang nasayran sa Banat News kang Land Transportation and Franchising Regulatory Board (LTFRB-7 ) Assistant Regional Director Atty. Douglas Sanson sa gihimong pagpakighinabi kagahapon.

Matud pa niya ang pagpakunhod sa plitehan ang mahitabo lamang kon adunay petisyon nga iduso sa ilang buhatan gikan sa usa ka transport operator.

Dugang pa niya nga ang moduso og petisyon sa pagpakunhod sa plitehan mao usab ang mobayad sa gisitar nga filing fee sa ilang buhatan.

Gipasabot usab niya nga ang kamandoan gikan sa ulohan nilang buhatan nga pagpakunhod sa plitehan ug sila sa rehiyonal ang igo lamang sa pagpatuman.

Dugang pa ni Atty. Sanson nga mga pagkunhod sa matag litro sa presyo sa produktong petrolyo nga naglakip sa krudo, gasolina ug kerosene daw sama sa walay nahitabo sa mga transport operator. Gumikan usab kini sa nagpabilin pa gihapong naandan nga presyo sa mga pisa sa sakyanan.