Tomas magpalaban kang Arroyo mahitungod sa isyu sa MCWD

Gitinguha ni mayor Tomas Osmeña nga magpalaban ngadto ni Presidente Gloria Arroyo aron lang gyud babagan ug dili mahinayon ang kontrobersiyal nga transaksyon pag-supply og tubig sa Ayala Estateland Consortium ngadto sa Metro Cebu Water District (MCWD).

Gi-klaro ni Osmeña nga mao kiniy katapusang lakang nga iyang himoon sa higayon nga paboran sa Investment Coordination Committee (ICC) ang maong transaksyon.

Matud ni Osmeña gikan unya sa ICC iduso na kini ngadto sa mga sakop sa board sa National Economic Development Authority (NEDA) diin si Arroyo maoy tsirman niini.

Namatikdan ni Osmeña nga gilawgaw ang iyang pagpangusog ug pagkwestyon sa maong gihulagway niya nga lutong macao nga transaksyon. Gitumbok ni Osmeña ang pag-kwestyon ni Mandaue City mayor Thadeo Ouano ug mga kaubanan niining lokal nga opisyal sa iyang gahum pagtudlo og mayoriya sa mga sakop sa board sa MCWD. "Mayor Ouano and Ayala share the same PR guy, there's collaboration and conspiracy there".

Giprangkahan ni Osmeña si Ouano ug mga kaubanan nga mohunong lang siya sa pagkwestyon sa maong transaksyon kon mobutang og P200 milyones si Ouano aron ibayad sa development cost sa Ayala kon ugaling dunay laing kaatbang nga makadaug pag-supply og tubig sa MCWD aron malikayan ang pagmahal unya sa tubig.

Gipasalig sa mayor sa mga Sugboanong konsumidor og tubig sa MCWD nga andam siyang makig-away ngadto ni bisan kinsa mapanalipdan lang ang interes sa publiko'"If I look my own interest and concern I will not fight Ayala.