Kini ang nasayran sa Banat News sa kapolisan sa maong dakbayan isip kabahin sa pagpangandam sa 12th Association of Southeast Asian Nation (Asean) Summit karong umaabot Disyembre.
Ang maong high tech nga kahimanan maoy mohimo sa pag-monitor sa panghitabo sa maong lugar.
Sa nasayran sa Banat News kang Sr. Supt. Eduardo Catabas nga ang surveillance camera makatabang kaayo sa kapolisan sa pagpatuman sa kahapsay ug kalinaw.
Mahimong mahibaw-an sa kapolisan ang mga panghitabo sanglit ma-rekord man sa surveillance camera nga ipahiluna sa mga strategic area.
Sa nasayran nga ang paggamit sa surveillance camera sa Asean Summit ang una na nga gipadayag ni Gobernador Gwendolyn Garcia.
Nalakip sa mga dapit nga ipahimutang ang maong matang sa mga kahimanan mao ang Marcelo Fernan Bridge, Mactan Mandaue Bridge ug mga dalan nga naglibot sa giugmad nga Cebu International Convention Center (CICC) sa dakbayan sa Mandaue.