Si Regino Baguio, 60, ulitawo, lumad sa maong dapit ug usa ka manananggot naglunang na sa dugo sa dihang napalgan sa mga polis, base sa pasiunang imbestigasyon ni SPO2 Rolito Jumao-as sa Homicide Section.
Matud pa ni Rolly Ngujo, pag-umangkon sa biktima nga katapusan niya nakita ang iyang uyoan mga alas 7:30 sa buntag sa milabay'ng adlaw ug wala na kini mogawas sa iyang lawak hinungdan nga ilang gipugos pag-abli ang lawak niini ug nakita nalang kini nga nagbuy-od na ug nagkadugo.
Matud pa ni SPO2 Jumao-as nga dunay foul play sa kamatayon ni Baguio gumikan sa samad sa iyang tangkugo gamit ang usa ka "hard object" nga maoy gituohang hinungdan sa kamatayon niini.
Bisan pa sa mga kutsilyo nga diha sa tupad sa biktima, nasuta kini nga walay mga lama sa dugo.
Matud pa ni Jumao-as posibleng pagdumot ang hinungdan sa kamatayon ni Baguio gumikan kay sa milabay'ng mga adlaw nakita ni Ngujo nga dunay gikalalis sa kabahin sa tuba si Baguio.
Hangtod karon padayon pa ang mga sakop sa kapolisan sa Lapu-Lapu paghipos og dugang ebidensiya ug pag-ila sa mga mamumuno.