'Rapist' nga papa nalutsan og warrant

Usa ka amahan nga gipasanginlang milugos sa 19 anyos nga anak nga dalaga nalutsan og warrant of arrest ug nadakpan sa kapolisan.

Ang pagdakop natigayon alas 5 pasado ang takna sa hapon niadtong miaging adlaw sa Carbon Market sa dakbayan sa Sugbo.

Ang suspetsado nga nadakpan mao si Edilberto Silawan, 60 anyos, minyo nga taga sitio Soong sa barangay Mactan, dakbayan sa Lapu-Lapu.

Si SPO2 Cesar Alburo sa kapolisan sa nahisgotang dakbayan maoy nangulo sa pagdakop kang Silawan.

Si SPO2 Alburo mitug-an sa Banat News nga nag-atubang og 4 counts of rape ang suspetsado sa korte nga gipasaka sa biktima nga anak niining dalaga.

Gitanggong karon ang suspetsado sa bilanggoan alang sa tukmang lakang nga pagahimoon sa kapolisan.