Hustisya gipangayo sa mga militante

Liboan ka pulang bandera iwara-wara karon sa mga sakop sa Kilusang Magbubukid ng Pilipinas-Cebu chapter agig pagpangayo og hustisya sa kamatayon ni Victor Olayvar sa Bohol niadtong September 6, ning tuiga.

Ang pamilya sa Bayan Muna leader nga si Olayvar ni-file og kaso ngadto sa Commission on Human Rights nangayo og dugang imbestigasyon mahitungod sa pagpatay kang Olayvar tungod nagtuo ang pamilya niini nga militar usab ang nagbanhig niini.

Ang pamilyang Olayvar nangayo og hinabang sa mga kauban tungod pito ka mga anak niini ang iyang gibiyaan sa kamot sa iyang asawa nga usa usab ka yanong housekeeper ug walay trabaho.

Matud pa sa igsoon niini nga si Danilo Olayvar nga usa usab ka leader sa Hugpong sa mga mag-uumang Bol-anon nag-ingon nga ang iyang igsoon wala malambigit og underground movement.

Si Panglao Mayor Doloriech Dumaluan ug uban nga mga opisyales sa maong munisipyo motambong sa lubong ni Olayvar karong Lunes aron sa paghatag sa ilang respeto niini.

"We surely miss Ka Victor, especially his sense of humor and creative ways of dealing with hardships that are inherent in our advocacy", matud pa ni Panfilo Arpay.