2 lalaki 'aktohang nanulis

Nanulis nga duha ka lalaki nadakpan sa akto sa kapolisan

sa miaging tungang gabii sa dalan Plaridel Alang-Alang, dakbayan sa Mandaue.

Ang nadakpan mao sila si Jolito Ancero, 24 anyos ug ig-agaw niining si Marlon Ancero, 26 anyos, pulos ulitawo ug nagpuyo sa maong dapit.

Ang duha misuway unta sa pagtulis kang Vivincio Perez Balago, hingkod ang panuigon, ulitawo nga taga Pier 3 sa dakbayan sa Sugbo.

Si PO2 Edmond Villacora sa kapolisan sa Presinto 1 sa Centro Police Station sa Mandaue City Police Office (MCP0) nga gikahinabi sa Banat News nagkanayon nga naglakaw lang ang biktima sa maong dapit dihang gisugat sa mga suspetsado ug mideklarar og tulis.

Gikuha ang cellphone ug salapi sa biktima ug nagdali kining mipahilayo sa maong dapit.

Si PO2 Villacora nga nagsakay sa iyang motorsiklo nga nahiagi sa maong dapit maoy midakop sa duha human sa ginukdanay sa motorsiklo ug gikatakdang pasakaan kini og kasong robbery. - Romeo T. Limpangog Konsehal sa brgy patay sa kuryente Ni Rey B. Pasaporte

Patay ang kanhi konsehal sa barangay human kini makahikap sa kuryente samtang nagtrabaho sa ilang panimalay niadtong Martes sa buntag pasado alas 9 didto sa Talisay Sta. Fe isla sa Bantayan

Dead on arrival sa Bantayan District Hospital mao si Carlos Rayco Layao, 49, minyo, nagpuyo sa maong dapit.

Si SPO1 Wayneright Desabille sa Sta. Fe Police miingon nga nagtrabaho ang biktima sulod sa ilang panimalay apan wala kini makabantay nga dunay panit sa kuryente ang nahikapan hinungdan nga nikirig kini.

Si Layao nakaangkon og grabeng paso sa kalawasan nga maoy nakaingon sa iyang kamatayon. - Rey B. Pasaporte