Gwen tua sa Malaysia

Milarga kagahapon si Gobernador Gwendolyn Garcia sa nasud sa Malaysia aron pagtambong sa East Asian Tourism Forum nga ipahigayun sa Sarawak sa maong nasud karong adlawa hangtud sa Domingo.

Kauban ni Garcia sila si Bokal Agnes Magpale, Bokal Jose Ma. Gastardo, Bokal Carmiano Kintanar ug Bokal Victor Maambong ingon man nilang Director Dawnie Roa ug Mila Espina sa Department of Tourism.

Ang lalawigan sa Sugbo ang nagrepresentar sa Pilipinas sa mga kalihukan sa EATOF.

Gani matud pa ni Garcia nga andam na usab mo-host ang Sugbo sa sunod EATOF nga dili pa usab dugay napahigayun dinhi.

Matud pa ni Garcia nga si Espina ang mopresentar sa Suroy-Suroy Sugbo aron pagpakita sa mga destinasyon sa mga turista sa Sugbo.